Azərbaycanın qadın futbolçulardan ibarət yığması Millətlər Liqasını qələbə ilə başa vurub - VİDEO

Qadın futbolçulardan ibarət Azərbaycan millisi UEFA Millətlər Liqasında sonuncu matçını keçirib.

Oxu.Az xəbər verir ki, Siyasət Əsgərovun baş məşqçisi olduğu komanda Farer adalarını qəbul edib.

“Dalğa Arena”dakı qarşılaşma yığmamızın 1:0 hesablı qələbəsi ilə bitib. 69-cu dəqiqədə Nigar Mirzəliyeva fərqlənib.

Komandamız C Liqasının üçüncü qrupunu 16 xalla birinci pillədə başa vurub.

Qeyd edək ki, millimiz ötən turda liderliyi təmin edərək B Liqasına yüksəlib.