Azərbaycanla oyuna çağırıldı, 10 gün evdən bayıra çıxmayacaq

Futbol millimizlə UEFA Millətlər Liqası çərçivəsində oyuna çağırılan Kipr millisinin futbolçusu Aleksander Qoqiç özünü 10 günlük təcrid edib.

Bu barədə Şotlandiyanın “Hibernian” klubunun rəsmi saytı məlumat yayıb.

Bildirilib ki, Kipr millisinin serb əsilli futbolçusunun verdiyi ilkin koronavirus testi pozitiv çıxsa da, sonrakılar neqativ nəticələnib. Lakin Şotlandiya Futbol Assosiasiyası və yerli hökumət futbolçunun komandadan uzaqlaşdırılmasını və dünənki “Aberdin”lə matça buraxılmamasını istəyib.

So disappointed to be missing out on a big game today, especially after my follow-up tests came back negative.

Health comes first and thankfully everyone in my house is also negative.

Good luck to the boys. I'll be cheering you on from the house. See you soon! 💚💪⚽ pic.twitter.com/fohQSRsrSg

— Alexander Gogić (@Gogic13) August 30, 2020

Ehtiyat tədbir olaraq 26 yaşlı futbolçu 10 gün özünü evdə təcrid edəcək.

Qeyd edək ki, sentyabrın 8-də millimiz səfərdə Kiprlə qarşılaşayacaq. Bu görüşə Aleksander Qoqiçin də çağırıldığını nəzərə alsaq, onun yığmamızla görüşü buraxacağını demək mümkündür.

Səbuhi Musayev