Estoniyanın Tallin şəhərində 20 və 23 yaşa qədər gənclər arasında ağır atletika üzrə Avropa Birinciliyi start götürüb.
Oxu.Az ANS PRESS-ə istinadən xəbər verir ki, Azərbaycan Ağır Atletika Federasiyasının mətbuat xidmətindən verdiyi məlumata görə, dünənki Azərbaycan yığması üçün çox uğurlu alınıb.
Belə ki, 23 yaşa qədər oğlanlar arasında Yuri Dudoqlo 62 kq çəki dərəcəsində qızıl medal qazanıb.
Ondan sonra isə körpücük üzərinə Elxan Əliquluzadə çıxıb. “Zirvə” İdman Klubunun 18 yaşlı yetirməsi 20 yaşa qədər oğlanlar arasında 69 kq çəki dərəcəsində mübarizə aparıb və möhtəşəm çıxış edərək çempion adına layiq görülüb.
Birdən qaldırma hərəkətində Elxan əvvəlcə 130 kq-ı ram edib. İkinci yanaşmasında 135 kq sifariş verən Əliquluzadə, bu çəkinin də öhdəsindən gəlib. Üçüncü yanaşmasındakı 137 kq-a güc gələ biləməyən atletimiz bu hərəkətdə ikinci yeri tutub.
Təkanla qaldırma hərəkətində isə atletimiz daha uğurlu çıxış edib. Əvvəlcə 160, sonra isə 166 kq-ı ram edən Əliquluzadə bu hərəkətdə qızıl medalı təmin edib. Ancaq ümumi çempionluq üçün bu yetərli deyildi. Gürcü rəqibi Şota Mişvelidze birdən qaldırma hərəkətində ondan 8 kq artıq qaldırdığından, Elxan bunun əvəzini təkanla qaldırmada çıxmalıydı. Üstəlik, şəxsi çəkisi gürcüdən çox olması, atletimizin işini daha da çətinləşdirib.
Belə ki, E.Əliquluzadə çempionluq üçün rəqibindən 9 kq çox çəki qaldırmaqla, Mişvelidzenin rekordunu yeniləmyi bacardı və Avropa çempionu oldu. Yarışda iştirak edən gürcü Şota Mişvelidze və Vladik Karapetyan müvafiq olaraq 2 və 3-cü yerləri tutublar.
www.oxu.az
