"Fənərbağça" klubunun prezidenti Aziz Yıldırım istefa verən İsmail Kartalın baş məşqi vəzifəsini davam etdirəcəyini bildirib.
Oxu.Az bu barədə "Haber Global" telekanalına istinadən xəbər verir.
Yıldırım Kartalın istefasının onlarla heç bir əlaqəsinin olmadığını deyib.
"Bu gecə İsmaill Kartalın başına şüşə butulka atıblar! O, məhz buna görə məyusdur! İsmayıl Kartal yenə də öz vəzifəsindədir. Lakin azarkeşlər ona dəstəkləməlidirlər. Ona şüşə butulka ataraq dəstək ifadə etmək olmaz. İsmail Kartalın davam edəcəyini deməsinə ehtiyac yoxdur, mən onun böyüyüyəm, ona davam edəcəyini mən dedim! Biz bir ailəyik! Mən klubdan getməyincə o, buradan gedə bilməz!" , - deyə Yıldırım vurğulayıb.
Qeyd edək ki, "Fənərbağça" - "Roma" matçında Kartalın başına şüşə butulka atan azarkeş saxlanılıb. Ona stadionlara girişi qadağan edilib.
