Qazaxıstan Premyer Liqasında 30-cu tura start verilib.
Oxu.Az xəbər verir ki, millimizin qapıçısı Emil Balayevin şərəfini qoruduğu “Tobol” növbəti matçına çıxıb.
Doğma meydanda “Ordabaşı” ilə qarşılaşan Kostanay təmsilçisi oyundan məğlub ayrılıb.
Həmyerlimizin 90 dəqiqə meydanda olduğu qarşılaşmada 735 dəqiqəlik uğurlu - “quru” seriyası qırılıb.
Maraqlıdır ki, Emil buraxdığı hər iki qolda səhvə yol verib.
Qeyd edək ki, “Tobol” 29 turdan sonra 59 xalla turnir cədvəlinin ikinci pilləsində qərarlaşıb.
