"Barselona" klubu "Espanyol"un qapıçısı Joan Qarsiyanı transfer etməyi düşünür.
Oxu.Az "Mundo Deportivo"ya istinadən xəbər verir ki, Kataloniya klubu 24 yaşlı qolkiperi yaxın günlərdə heyətinə qatmağa cəhd edəcək.
Məsələ ilə bağlı "Barselona"nın baş məşqçisi Hans-Diter Fliklə idman direktoru arasında razılıq əldə olunub.
"Barselona"dan başqa Qarsiya ilə üç ingilis klubu - "Arsenal", "Aston Villa", "Bornmut" maraqlanır. "Bayer Leverkuzen" və "Napoli" də qolkiperin transferində maraqlıdır.
Qeyd edək ki, "çərçivə qoruyucusu"nun müqaviləsində 25 milyon qarşılığında sərbəst qalma bəndi var. Qarsiya bu mövsüm 38 matçda qapısında 51 qol görüb.
