Türkiyənin "Beşiktaş" klubu belçikalı cinah oyunçusu Leandro Trossardın transferini rəsmən elan edib.
Oxu.Az xəbər verir ki, bu barədə İstanbul təmsilçisinin mətbuat xidməti məlumat yayıb.
London "Arsenal"ından ayrılan 31 yaşlı futbolçu bundan sonra karyerasını Türkiyədə davam etdirəcək. Oyunçu ilə 3 illik müqavilə imzalanıb və sözləşmənin daha bir mövsüm uzadılması imkanı da nəzərdə tutulub.
"Transfermarkt" portalının məlumatına görə, transferin qiyməti 18 milyon avro təşkil edib. İngilis klubu, həmçinin müəyyən şərtlər daxilində bonus olaraq əlavə 2 milyon avro da qazana bilər.
Artıq İstanbula gələn Leandro Trossard tibbi müayinədən keçəcək və ardından komanda ilə məşqlərə başlayacaq.
Belçika yığmasının və "Arsenal"ın ulduz futbolçusu Leandro Trossard karyerasını "Beşiktaş"da davam etdirməyə yaxındır.
Oxu.Az "Anadolu" agentliyinə istinadən xəbər verir ki, bu barədə İstanbul klubunun prezidenti Serdal Adalı məlumat verib.
"Keçən il Trossard üçün "Arsenal"a 25 milyon avro təklif etmişdim. Futbolçunun özünə isə 8 milyon avro maaş verirdim, amma alınmadı, onu buraxmadılar. İndi onu daha aşağı maaşla alırıq", - deyə klub prezidenti bildirib.
Klub prezidenti "Liverpul"un misirli ulduzu Məhəmməd Salahla yaxından maraqlandıqları barədə yayılan məlumatların isə doğru olmağını vurğulayıb.
