Futbol üzrə Azərbaycan millisinin və “Bakı”nın qapıçısı Kamran Ağayev bu gün səhər Türkiyəyə yola düşür.
Oxu.Az Azerisport.az-a istinadən xəbər verir ki, ötən gün Azərbaycan Premyer Liqasının 10-cu turunun “Bakı” - AZAL görüşünü stadiondan izləyən qapıçı saytımıza açıqlamasında əməliyyat olunacağını bildirib.
Yığmanın DÇ-2014-ün seçmə mərhələsi çərçivəsində keçirdiyi Rusiya ilə son görüşündə zədələnən qapıçının yaşıl meydana nə vaxt qayıdacağı məlum deyil.
Ağayevin yaxın 1 ayda “Bakı”ya kömək edə bilməyəcəyi dəqiqdir.
