"Mançester Yunayted"in və Portuqaliya yığmasının yarımmüdafiəçisi Bruno Fernandeş karyerasını Səudiyyə Ərəbistanının Pro Liqasında davam etdirə bilər.
29 yaşlı yarımmüdafiəçi milli komanda yoldaşı Kriştianu Ronaldunun çıxış etdiyi "Ən-Nəsr"dan, eləcə də "Əl-İttihad"dan təklif alıb.
Portuqaliyalı təkliflərdən birini qəbul edərsə, müvafiq Səudiyyə klubu "Mançester Yunayted"lə danışıqlara başlayacaq.
Fernandeşin "Mançester Yunayted"lə müqaviləsi 2026-cı ilin yayına qədərdir. Transfermarkt portalı futbolçunun dəyərini 70 milyon avro qiymətləndirir.
Ötən mövsüm Fernandeş "Mançester Yunayted"in heyətində bütün turnirlərdə 48 matçda 15 qol vurub və 13 məhsuldar ötürmə verib.
Mənbə: sport24.ru
Rəylər