Misli Premyer Liqasında mövsümün son matçı - "Zirə" "Araz-Naxçıvan"ı məğlub etdi

Misli Premyer Liqasında 2024/2025 mövsümünün son matçında "Zirə" "Araz-Naxçıvan"ı məğlub edib.

Oxu.Az xəbər verir ki, "Liv Bona Dea Arena"da baş tuan görüş Rəşad Sadıqovun rəhbərlik etdiyi komandanın 1:0 hesablı qələbəsi ilə nəticələnib.

Matçın yeganə qolunu 58-ci dəqiqədə Junior Martins rəqib qapısından keçirib.

Bu nəticədən sonra xallarının sayını 74-ə yüksəldən "Zirə" mövsümü ikinci pillədə başa vurub. "Araz-Naxçıvan" isə 58 xalla üçüncü olub.

19:06

Misli Premyer Liqasında sonuncu - XXXVI tur çərçivəsində "Turan Tovuz" evdə "Kəpəz"lə üz-üzə gəlib.

Oxu.Az xəbər verir ki, Tovuz təmsilçisi bu oyunda 4 cavabsız qolla qalib gəlib.

"Turan Tovuz"un heyətində 10-cu və 23-cü dəqiqələrdə Aleks Souza, 44-cü dəqiqədə isə Ayxan Hüseynov fərqlənə biliblər.

Qarşılaşmanın 42-ci dəqiqəsində "Kəpəz"in futbolçusu Turan Manafov avtoqola imza atıb.

09:00

Bu gün Misli Premyer Liqasında mövsümün son oyunları keçiriləcək.

Oxu.Az xəbər verir ki, "Turan Tovuz" klubu "Kəpəz"lə, "Araz-Naxçıvan" klubu isə "Zirə" ilə üz-üzə gələcək.

Turun əvvəlki oyunlarında "Sumqayıt" səfərdə "Səbail"i (4:1), "Qarabağ" "Şamaxı"nı (1:0), "Sabah" isə "Neftçi"ni (1:0) məğlub edib.

Qeyd edək ki, 2024/25 mövsümünün qalibi "Qarabağ", gümüş mükafatçı "Zirə", bürünc medalın sahibi isə "Araz-Naxçıvan" olub.

25 may

Misli Premyer Liqası

XXXVI tur

Saat 17:00, "Turan Tovuz" - "Kəpəz";

Saat 19:30, "Araz-Naxçıvan" - "Zirə".