Camal Hill: "Titul barədə yox, bu döyüş və qələbə barədə düşünürəm"

"Bakını, insanlarını çox bəyəndim. Qonaqpərvərlik çox yüksək səviyyədədir. Açığı belə gözləmirdim".

Oxu.Az xəbər verir ki, bunu iyunun 21-də Bakıda keçiriləcək "UFC Fight Night" döyüş gecəsinin əsas iştirakçılarından olan, yarımağır çəki dərəcəsində keçmiş çempion Camal Hill mətbuat konfransı zamanı bildirib.

C.Hill deyib ki, döyüşü çox ağır olacaq:

"Açığı hələ titul barədə yox, bu döyüş və qələbə barədə düşünürəm. Çünki rəqibim çox güclüdür".

"Mən bu döyüşə hərtərəfli hazırlaşmışam, rəqibimə bütün komponentlərdə başağrısı olacağam", - deyə C.Hill bildirib.

Qeyd edək ki, iyunun 21-də ilk dəfə Bakıda təşkil olunacaq "UFC Fight Night"da gecənin əsas qarşılaşması yarımağır çəkidə keçmiş çempion Camal Hill ilə Xalil Rauntri arasında keçiriləcək.

Təhməz Əsədov