Cengiz Ünder keçmiş komandasına qayıda bilər

Türkiyənin "Fənərbağça" klubunda çıxış edən Cengiz Ünder "Başakşəhər"in maraq dairəsinə düşüb.

Oxu.Az "SporX"ə istinadən xəbər verir ki, "Başakşəhər" klubu ulduz futbolçunu mövsümün sonunadək icarə əsasında transfer etmək istəyir.

Xatırladaq ki, dəyəri 7.5 milyon avro olan Cengiz Ünderin "Fənərbağça" ilə müqavilə müddəti 2027-ci ildə başa çatacaq.

Qeyd edək ki, "Fənərbağça" forması ilə ümumilikdə 38 oyunda meydana çıxan Cengiz Ünder doqquz qol və üç məhsuldar ötürmə ilə yadda qalıb.