Azərbaycanın daha iki cüdoçusu Qətərin paytaxtı Dohada keçirilən dünya çempionatında uğursuzluqla üzləşib.
Oxu.Az xəbər verir ki, 90 kq çəki dərəcəsində çıxış edən Məmmədəli Mehdiyev və Murad Fətiyev 1/8 final mərhələsində məğlub olublar.
Onlar müvafiq olaraq Markus Niman (İsveç) və İvan Felipe Silva Moralesə (Kuba) yeniliblər.
Qeyd edək ki, daha əvvəl kişilərdə Balabəy Ağayev, Turan Bayramov (hər ikisi 60 kq), Orxan Səfərov (66 kq), Hidayət Heydərov (73 kq), Səid Mollayi (81 kq), qadınlarda Leyla Əliyeva, Könül Əliyeva (hər ikisi 48 kq), Gültac Məmmədəliyeva və Aydan Əliyeva (hər ikisi 52 kq) turniri medalsız başa vurublar. Dünya çempionatı mayın 14-də başa çatacaq.
10:24
Qətərin paytaxtı Dohada cüdo üzrə dünya çempionatı davam edir.
Oxu.Az xəbər verir ki, bu gün Azərbaycanın daha iki cüdoçusu mübarizəyə başlayacaq.
90 kq çəki dərəcəsində çıxış edən Məmmədəli Mehdiyev və Murad Fətiyevin ilk görüşləri 1/32 final mərhələsinə təsadüf edəcək. Mehdiyev kamerunlu Kevin Budayinlə, Fətiyev isə rumıniyalı Aleks Kretlə üz-üzə gələcəklər.
Qeyd edək ki, daha əvvəl kişilərdə Balabəy Ağayev, Turan Bayramov (hər ikisi 60 kq), Orxan Səfərov (66 kq), Hidayət Heydərov (73 kq), Səid Mollayi (81 kq), qadınlarda Leyla Əliyeva, Könül Əliyeva (hər ikisi 48 kq), Gültac Məmmədəliyeva və Aydan Əliyeva (hər ikisi 52 kq) turniri medalsız başa vurublar. Dünya çempionatı mayın 14-də başa çatacaq.
