Dünyanın ən yaxşı gənc məşqçisi bəlli oldu

"Bayer Leverkuzen"in baş məşqçisi Xabi Alonso "Give me Sport" jurnalı tərəfindən dünyanın ən yaxşı gənc məşqçisi seçilib.

Oxu.Az xəbər verir ki, reytinq üçün əsas meyarlara aşağıdakılar daxildir: yaş 45-dən aşağı, qazanılan əsas kuboklar, komandaya təsir imkanı, turnirin rəqabət qabiliyyəti və inkişaf potensialı.

Xabi Alonso 2023/2024 mövsümünün sonunda Almaniya çempionluğunu və Almaniya Kubokunu qazanıb.

Dünya futbolunun ən yaxşı gənc məşqçilərinin ilk beşliyi bu cürdür:

1. Xabi Alonso - "Bayer Leverkuzen" (Almaniya)

2. Mikel Arteta - "Arsenal" (İngiltərə)

3. Yulian Naqelsmann - Almaniya millisi

4. Andoni İraola - "Bornmut" (İngiltərə)

5. Ruben Amorim - "Mançester Yunayted" (İngiltərə).