Azərbaycanın beynəlxalq dərəcəli futbol hakimi Əliyar Ağayev Rusiya və Nigeriya yığmaları arasında keçiriləcək yoldaşlıq oyununa təyinat alıb.
Oxu.Az Rusiya Futbol İttifaqının rəsmi saytına istinadən xəbər verir ki, həmin matçda FIFA referisinə yan xətt hakimləri - Zeynal Zeynalov və Akif Əmirəli kömək edəcəklər. Dördüncü hakim funksiyasını isə rusiyalı Yevgeni Kukulyak yerinə yetirəcək.
Qeyd edək ki, iyunun 6-da "Lujniki" stadionunda keçiriləcək qarşılaşma Bakı vaxtı ilə saat 21:00-da başlayacaq.
