Braziliya millisinin sabiq müdafiəçisi Felipe Melo A Seriyası təmsilçisi "Fluminense"dən ayrılıb.
Oxu.Az xəbər verir ki, bu barədə klub sosial şəbəkə hesablarından paylaşım edib.
41 yaşlı müdafiəçinin karyerasını bitirəcəyi gözlənilir.
Qeyd edək ki, təcrübəli oyunçu "Fluminense"də forma geyindiyi müddətdə Libertadores Kubokunu qazanıb və Cənubi Amerika çempionluğunu yaşayıb. O, Braziliya millisinin heyətində meydana çıxdığı 108 rəsmi matçda üç qol vurmağı da bacarıb.
Xatırladaq ki, Felipe Melo karyerası ərzində Braziliya ("Flamenqo", "Kruzeyro", "Qremio", "Palmeyras", "Fluminense"), İspaniya ("Mayorka", "Reysinq Santander", "Almeria"), İtaliya ("Fiorentina", "Yuventus", "İnter Milan"), Türkiyə ("Qalatasaray") kimi ölkələrin futbol klublarında top qovub.
