"Fənərbağça"nın sabiq baş məşqçisi vəfat etdi

Türkiyənin "Fənərbağça", "Sivasspor", "Kayseri Erciyesspor" və "Kasımpaşa" klublarını da çalışdırmış təcrübəli alman məşqçi Verner Lorant 76 yaşında vəfat edib.

Oxu.Az "Haber Global"a istinadən xəbər verir ki, Lorant təxminən il yarımdır ağır xəstəliklə mübarizə aparırdı. Təcrübəli mütəxəssis müalicə aldığı Vasserburq şəhərindəki xəstəxanada həyatını itirib.

2002-ci ildə "Fənər"in baş məşqçisi olan Lorant komandanı 39 oyuna çıxarıb. Onun rəhbərliyi altında komanda "Qalatasaray"a 6:0 hesabı ilə qalib gəlib.