"Fənərbağça"nın fransalı yeni transferi Matteo Genduzi İstanbula gəlib.
Oxu.Az "Haber Global"a istinadən xəbər verir ki, 26 yaşlı futbolçunu hava limanında klub rəsmiləri və "sarı-lacivərdlər"in çoxsaylı azarkeşləri qarşılayıblar.
Tanınmış futbolçu tibbi müayinədən keçdikdən sonra "Fənərbağça" ilə rəsmi müqavilə imzalayacaq.
Genduzinin yanvarın 10-da "Qalatasaray"a qarşı keçiriləcək derbidə heyətdə yer alacağı gözlənilir.
"Fənərbağça" "Latsio"nun formasını geyinən fransız futbolçu Matteo Genduzinin transferi üçün danışıqlara başladığını rəsmən açıqlayıb.
Oxu.Az-ın xəbərinə görə, bu barədə klubun mətbuat xidməti məlumat yayıb.
"Klubumuz Fransa millisinin oyunçusu Matteo Genduzinin transferi ilə bağlı oyunçunun klubu və özü ilə danışıqlarını davam etdirir. Bu çərçivədə, transfer danışıqlarını irəlilətmək və tibbi müayinələri həyata keçirmək üçün oyunçu İstanbula dəvət edilib", - deyə klubun açıqlamasında qeyd olunub.
Qeyd edək ki, transfer məbləğinin təxminən 28 milyon avro olacağı gözlənilir.
Transfer Bilgilendirme
— Fenerbahçe SK (@Fenerbahce) January 8, 2026
Kulübümüz, Fransa Milli Takımı oyuncusu Mattéo Guendouzi’nin transferi konusunda, oyuncunun kulübü ve kendisiyle görüşmelerini sürdürmektedir.
Bu kapsamda, transfer görüşmelerini ilerletmek ve sağlık kontrollerini gerçekleştirmek üzere oyuncu İstanbul’a… pic.twitter.com/YwuJzjRzvK
