Fernandu Santuş: "Əsas fiziki güc deyil"

"Futbolda əsas məsələ fiziki güc yox, düzgün taktiki gedişatdır".

Bunu Azərbaycan millisinin baş məşqçisi Fernandu Santuş Haiti yığmasına qarşı keçirəcəkləri yoxlama oyunundan əvvəl baş tutan mətbuat konfransında Oxu.Az-ın futbolçularımızın fiziki durumu ilə bağlı sualını cavablandırarkən deyib.

"Futbolçular arasında boy fərqi ola bilər, amma bu, qalib gəlmək üçün və ya məğlub olmaq üçün əsas səbəb deyil. Biz düzgün strategiya quraraq qələbə qazanmağa çalışacağıq", - baş məşqçi əlavə edib.

Qeyd edək ki, martın 22-də Mehdi Hüseynzadə adına Sumqayıt şəhər stadionunda keçiriləcək Azərbaycan - Haiti görüşü saat 21:45-də başlayacaq.

Anar Həsənov