Fernandu Santuş: "Millinin qapısı hamının üzünə açıqdır"

"Futbol üzrə Azərbaycan millisinin məqsədi yoxlama oyunlarında qələbə qazanmaq olacaq".

Oxu.Az xəbər verir ki, bunu futbol üzrə Azərbaycan millisinin baş məşqçisi Fernandu Santuş mətbuat konfransında bildirib.

Mütəxəssis bəzi futbolçuları zədə səbəbindən dəvət edə bilmədiyini söyləyib:

"Öncəki təlim-məşq toplanışına Ramil Şeydayevlə Ozan Can Kökçü də dəvət almışdılar. Amma son zamanlar özlərini yaxşı tərəfdən göstərə bilmədikləri üçün dəvət almayıblar. Gələcəkdə şansları ola bilər. Millinin qapısı hamının üzünə açıqdır".

Qeyd edək ki, portuqaliyalı mütəxəssisin rəhbərlik etdiyi milli iyunun 7-də səfərdə Latviya, bundan üç gün sonra isə Bakıda Macarıstan yığması ilə üz-üzə gələcək.

Anar Həsənov