"Neftçi" futbol klubuna FIFA tərəfindən tətbiq edilmiş transfer qadağası geri götürülüb.
Oxu.Az xəbər verir ki, klubdan verilən məlumata görə, qadağanın qoyulmasına texniki səhv səbəb olub.
Artıq problem tamamilə həll edilib və qadağanı əks etdirən məlumat FIFA-nın rəsmi saytından silinib. Bununla da paytaxt təmsilçisinin heyətinə yeni oyunçular qatması üçün heç bir hüquqi maneə qalmayıb.
Xatırladaq ki, bir müddət əvvəl FIFA-nın rəsmi portalında "Neftçi"nin adı transfer qadağası qoyulan klublar siyahısında yer almışdı. Klub rəhbərliyi məsələnin qısa zamanda həll olunacağını bildirmişdi.
Qaynar xətt:
(055) 224 12 12
