FIFA-nın mundialdan götürəcəyi gəlir açıqlandı

FIFA-nın Rusiyada keçiriləcək 2018-ci il dünya çempionatından nə qədər gəlir götürəcəyi açıqlanıb. 

Oxu.Az xəbər verir ki, ali futbol qurumu mundialdan 6,1 milyard dollar qazanc əldə etməyi planlaşdırır.

3 milyard dollar təkcə televiziya haqlarının satışından gələcək. Bununla yanaşı, FIFA sponsor anlaşmaları sayəsində kassasına 1,65 milyard dollar daha əlavə edəcək.

Qeyd edək ki, FIFA DÇ-2014-dən 4,8 milyard dollar, CAR-dakı mundialdan (2010) 3,9 milyard dollar, Almaniyada keçirilən 2006-cı il dünya çempionatından isə 1,9 milyard dollar gəlir götürmüşdü.

S.T.
www.oxu.az