FIFA ötən ilin ən yaxşılarını açıqladı - FOTO/VİDEO

FIFA ötən ilin yekunlarına əsasən “The Best” mükafatlarının sahiblərini açıqlayıb.

Mərasim qurumun rəsmi saytı vasitəsilə canlı olaraq yayımlanıb.

İlin ən yaxşı futbolçusu Polşa millisi və “Bavariya”nın hücumçusu Robert Levandovski seçilib.

İlin ən yaxşı qoluna təqdim edilən Puşkaş mükafatı bu dəfə “Arsenal”ın qapısından keçirdiyi topa görə “Tottenhem”in futbolçusu Erik Lamelaya verilib.

Este golazo de Erik Lamela fue nominado como el mejor tanto del 2021.🔥⚽️

¡Felicidades @ErikLamela por ganar el premio #Puskas de la @FIFAcom! 🇦🇷💪#CreeEnGrande pic.twitter.com/XtOqEIyRK3

— CONMEBOL.com (@CONMEBOL) January 17, 2022

İlin ən yaxşı qapıçısı “Çelsi”nin qolkiperi Eduard Mendi olub. Həmçinin, klubun çalışdırıcısı Tomas Tüxel ilin məşqçisi nominasiyasında qalib gəlib.

Portuqaliya millisi və “Mançester Yunayted”in futbolçusu Kriştianu Ronaldu isə FIFA-nın xüsusi mükafatına layiq görülüb.

Danimarka millisi “Fair Play” mükafatına sahib çıxıb. Bu ölkənin fanatları isə finlandiyalı futbol təəssübkeşlərilə birlikdə 2021-ci ilin ən yaxşı azarkeşləri mükafatına layiq görülüblər.

FIFA ilin rəmzi heyətini də açıqlayıb.

Donnarumma, Alaba, Bonuççi, Diaş, De Bruyne, Jorjinyo, Kante, Levandovski, Messi, Holand və Ronaldu rəmzi “11-liy”i təşkil ediblər.

Mənbə: fıfa.com