Braziliyanın "Flamenqo" klubunun yeni baş məşqçisi müəyyənləşib.
Oxu.Az klubun rəsmi saytına istinadən xəbər verir ki, komanda portuqaliyalı mütəxəssis Leonardu Jardimə tapşırılıb.
Təcrübəli mütəxəssislə 2027-ci ilin sonunadək müqavilə imzalanıb. 51 yaşlı məşqçinin rəhbərlik etdiyi son komanda Braziliya "Kruzeyro"su olub.
Qeyd edək ki, Jardim bu postda bir neçə gün əvvəl vəzifəsindən ayrılan Felipe Luisi əvəzləyib. "Flamenqo" klubu "Madureyra" üzərində 8:0 hesablı qələbədən sonra komandanın baş məşqçisini istefaya göndərib.
