Florian Virts "Liverpul" azarkeşlərindən üzr istədi

"Liverpul"a transfer olan almaniyalı istedad Florian Virts klubun azarkeşlərinə müraciət edib.

Oxu.Az xəbər verir ki, 22 yaşlı futbolçunun açıqlamasını klubun mətbuat xidməti dərc edib.

Florian Virts onu "Liverpul"a dəvət edən azarkeşlərin şərhlərini hər zaman sosial şəbəkələrdə oxuduğunu söyləyib.

"Onların qarşısında oynamağı və birlikdə böyük zirvələri fəth etməyi səbirsizliklə gözləyirəm. Bəli, çox xoşbəxtəm və sizi bu qədər gözlətdiyimə görə üzr istəyirəm", - deyə Florian Virts qeyd edib.