"McLaren" komandasının avstraliyalı pilotu Oskar Piastri 2025-ci ildə "Formula-1" üzrə dünya çempionatının yeddinci mərhələsinin - Emiliya-Romanya Qran-prisinin təsnifat mərhələsinin qalibi olub.
Oxu.Az xəbər verir ki, bu barədə TASS məlumat verib.
İkinci yeri "Red Bull" komandasının niderlandlı pilotu Maks Ferstappen, üçüncü yeri isə "Mercedes"in sürücüsü britaniyalı Corc Rassel tutub.
Təsnifat mərhələsinin birinci seqmentində qəza qeydə alınıb. "Red Bull" komandasının yaponiyalı pilotu Yuki Tsunoda döngələrin birində idarəetməni itirib, avtomobili aşıb və arxa hissəsi yüksək sürətlə divara çırpılıb. Zərbədən sonra bolid havada fırlanıb və yerə düşüb.
Tsunoda qəza nəticəsində xəsarət almayıb və bolidi özü tərk edə bilib.
