"Formula-1"in dörd komandası logistika problemi ilə üzləşib

Avstraliyalı fotoqraf və insayder Kim İlman dörd "Formula-1" komandasının - "Red Bull", "Mercedes", "McLaren" və "Uilliams"ın logistikada ləngimə yaşadığını bildirib.

Oxu.Az xəbər verir ki, Melburnda təyyarələrdə yaranan texniki problemlərə görə bir sıra komandalar Şanxay Qran-prisinə göndəriləcək yüklərdə çətinlik yaşayıblar.

Yüklərin göndərilməsi adətən bazar ertəsi axşam baş verir, lakin hazırda komandalar bunu gerçəkləşdirə bilməyiblər. Problemlə qarşılaşan komandalar arasında "Red Bull", "Mercedes", "McLaren" və "Uilliams" var.

Bu hadisənin cümə günü səhər ilk və yeganə məşq üçün trassa çıxan avtomobillərə təsir edib-etməyəcəyi bəlli deyil", - deyə İlman sosial media səhifəsində yazıb.

Xatırladaq ki, Çin Qran-prisi martın 21-dən 23-dək keçiriləcək.