Fransa Kubokunun sahibi bəlli oldu

Fransa kubokunun finalında PSJ "Reyms"lə üz-üzə gəlib.

Oxu.Az xəbər verir ki, görüş "Stad de Frans" stadionunda baş tutub.

Hesabı 16-cı dəqiqədə PSJ-nin futbolçusu Bredli Barkola açıb. Üç dəqiqə sonra Barkola dubl edib. 43-cü dəqiqədə müdafiəçi Əşrəf Hakimi "Reyms"in qapısına üçüncü qolu vurub - 3:0.

Beləliklə də, PSJ 16-cı dəfə Fransa Kubokuna sahib çıxıb.

Qeyd edək ki, komanda həm də Liqa 1-in qalibi olub. Həmçinin Luis Enrikenin yetirmələri Çempionlar Liqasını qazanmağa yaxındırlar. PSJ mayın 31-də finalda "İnter"lə qarşılaşacaq.