Hacı Əliyev virtual yarışda kubalı Olimpiya mükafatçısına qarşı - FOTO

Sərbəst güləş üzrə Olimpiya mükafatçımız, üçqat dünya və üçqat Avropa çempionumuz Hacı Əliyev virtual yarışda iştirak edir.

Oxu.Az xəbər verir ki, Ümumdünya Güləş Birliyi (UWW) idman turnirlərinin olmadığı bir vaxtda sərbəst güləşçilər arasında “Instagram” vasitəsilə onlayn yarış keçirmək qərarına gəlib.

Dünəndən etibarən başlayan yarışa 16 məşhur güləşçi qatılıb. Azərbaycanın bu yarışda yeganə təmsilçisi Hacı Əliyevdir. O, 1/8 finalda Gürcüstanın ən ağır çəkidə Olimpiya mükafatçısı, üçqat dünya və ikiqat Avropa çempionu Qeno Petriaşvili ilə qarşılaşıb və səsvermə əsasında rəqibinə qalib gəlib.

Tanınmış idmançımızın 1/4 finaldakı rəqibi Kuba doğumlu İtaliyanın Olimpiya mükafatçısı, ikiqat dünya və dördqat Avropa çempionu, vaxtı ilə Bakıya təlim-məşq toplanışı üçün gəlmiş Frank Çamisodur. Artıq tərəflər arasında səsverməyə start verilib. Son duruma əsasən Çamiso irəlidədir.

Hacı Əliyev qalib gələrsə, yarımfinalda ABŞ güləşçilərindən biri ilə qarşılaşacaq. Onun rəqibi Kayl Sneyder – Cordan Barouz cütünün qalibi olacaq.

 

 

 

 

View this post on Instagram

 

 

 

 

 

 

 

 

 

UWW Fantasy Wrestling Tournament Quarterfinal Matchups: (Vote in our stories) • @frankchamizo92 vs. @haci_aliyev_65 • @zaurbek_sidakov vs. @sadulaev_abdulrashid • @snyderman45 vs. @alliseeisgold • Taha AKGUL vs. @hasan_yazdani73 — #uww #unitedworldwrestling #WomensWrestling #grecoromanwrestling #grecoroman #freestyle #freestylewrestling #wrestling #olympicwrestling #wrestle #کشتی #борьба #koshti

A post shared by Olympic Wrestling (@unitedworldwrestling) on Jun 11, 2020 at 6:12pm PDT

Qeyd edək ki, buna bənzər virtual yarışı Rusiyanın “Vestnik MMA” səhifəsi də keçirmişdi. Rusiyada yarışan MMA idmançıları arasında keçirilən turnirin qalibi səsvermə nəticəsində azərbaycanlı Nəriman Abbasov olmuşdu.

Səbuhi Musayev