Rusiya millisinin sabiq futbolçusu Roman Şirokovun həvəskarlar liqasında baş hakimi vurduğu idman ayaqqabıları auksiona çıxarılacaq.
Oxu.Az xəbər verir ki, bu barədə championat.com-a 39 yaşlı veteranın vəkili Vadim Lyalin açıqlama verib:
“Dobrovinski idman ayaqqabısının xüsusilə ağır xarakterli bir silah olduğunu söyləməyə çalışdı. Guya bu, ağır xarakterli silahdır və hakimi öldürməyə cəhddir...
İdman ayaqqabılarını bir auksionda satacağıq. Pul imkansız və ya kasıb ailələrin uşaqlarına çatacaq. Bunlar eyni idman ayaqqabısıdır. İdman ayaqqabıları dediyimiz kimi “qatillər deyil”. Yeni il hədiyyəsi edək... İddia məbləğinin 100 min rubl olduğunu nəzərə alsaq, auksion üçün ilkin olaraq bu məbləğdən başlayacağıq. Müraciət edən yoxdursa, onları özüm alacağam. Və ailəmizdən uşaqlara pul veriləcək”.
Qeyd edək ki, bu gün keçirilən məhkəmə prosesində Roman Şirokova 100 saatlıq məcburi əmək işlərinə cəlb olunması və 100 min rubl cərimə cəzası verilib. Ancaq veteran İdman ustası adından məhrum edilməyib.
Xatırladaq ki, avqustun 10-da “Matç TV”nin heyətində həvəskar turnirdə çıxış edərkən ona qarşı edilən kobudluğa görə penalti təyin etməyən baş hakim Nikita Dançenkovu təhqir edib. Hakim buna görə ona qırmızı vərəqə verib. Bu, “Zenit”in keçmiş yarımmüdafiəçisinin əsəbləşməsinə və hakimi ayağı ilə vurmasına səbəb olub. Şirokov sonradan “Instagram” hesabında xəstəxanada müalicə alan hakimdən üzr istəsə də, Dançenkov məhkəməyə müraciət edib.
Səbuhi Musayev
