İngiltərə Liqa Kuboku: İlk finalçı bəlli oldu

İngiltərə Liqa Kubokunun yarımfinal mərhələsinin cavab matçında "Nyukasl" və "Arsenal" komandaları üz-üzə gəliblər.

Oxu.Az xəbər verir ki, cütlük arasında Londonda baş tutmuş ilk oyunda "topçular" 0:2 hesabı ilə məğlub olublar.

Cavab görüşündə də oxşar ssenari təkrarlanıb. Bu dəfə "Nyukasl" öz meydanında 2:0 (4:0) hesabı ilə qalib gələrək adını finala yazdırıb.

Qeyd edək ki, digər yarımfinal cütündə "Tottenhem" kubokun hazırkı sahibi "Liverpul"la mübarizə aparır. İlk matçda London klubu minimal hesabla (1:0) qalib gəlib. Cavab oyunu fevralın 7-də baş tutacaq.