İngiltərə millisinin baş məşqçisi vəzifəsindən istefa verdi

İngiltərə yığmasının baş məşqçisi Qaret Sautqeyt vəzifəsindən istefa verib.

Bu barədə Oxu.Az İngiltərə Futbol Assosiasiyasının mətbuat xidmətinin xəbərinə istinadən bildirir.

Mütəxəssis 2016-cı ildən İngiltərə yığmasına rəhbərlik edir. 53 yaşlı çalışdırıcının rəhbərliyi altında komanda AVRO-2020 və AVRO-2024-də gümüş medal qazanıb. Onun milli komanda ilə müqaviləsi 2024-cü ilin dekabrına kimi nəzərdə tutulmuşdu.

"102 oyundan və demək olar ki, səkkiz illik rəhbərlikdən sonra Qaret Sautqeyt İngiltərə millisinin baş məşqçisi vəzifəsindən getdiyini açıqladı", - deyə İngiltərə Futbol Assosiasiyasından bildirilib.

Qeyd edək ki, 2024-cü il futbol üzrə Avropa çempionatının final oyununda Sautqeytin rəhbərlik etdiyi İngiltərə yığması İspaniyaya 1:2 hesabı ilə uduzub.

İngiltərə millisinin baş məşqçisi vəzifəsindən istefa verdi

İngiltərə yığmasının baş məşqçisi Qaret Sautqeyt vəzifəsindən istefa verib.