İPL: "Arsenal" "Fulhem"lə sülhə razılaşdı

İngiltərə Premyer Liqasının 2024/2025 mövsümünün 15-ci turunun "Fulhem" və "Arsenal" komandalarının qarşılaşdığı matç başa çatıb.

Oxu.Az xəbər verir ki, oyun Londondakı "Kreyven Kottec" stadionunda baş tutub. Komandalar 1:1 hesabı ilə bərabərə qalıblar.

11-ci dəqiqədə "Fulhem"in hücumçusu Raul Ximenes hesabı açıb. "Arsenal"ın cavab qolunu 52-ci dəqiqədə müdafiəçi Uilyam Saliba vurub - 1:1.

Keçirilən 15 oyundan sonra "Fulhem" 23 xalla Premyer Liqanın turnir cədvəlində 9-cu yerdədir. "Arsenal" eyni sayda oyundan sonra 29 xal toplayaraq ikinci pillədə qərarlaşıb. İngiltərə çempionatının turnir cədvəlinə 35 xalla "Liverpul" başçılıq edir.