İrlandiyalı peşəkar boksçu Li Rivz döyüş zamanı aldığı ağır kəllə-beyin travmasından vəfat edib.
Oxu.Az xəbər verir ki, bu barədə "The Ring" jurnalı məlumat yayıb.
31 yaşlı idmançı üç ay süni komada saxlanılıb. O, avqustun 1-də Qari Kalli ilə qarşılaşmada ağır zədə alıb.
Döyüşün 10-cu raundunda Rivz iki dəfə nokdauna düşüb, daha sonra huşunu itirib. Boksçu rinqdən xərəkdə çıxarılaraq xəstəxanaya aparılıb. Həkimlərin səylərinə baxmayaraq, onun həyatını xilas etmək mümkün olmayıb.
Qeyd edək ki, Li Rivz peşəkar karyerası ərzində 16 qələbə (11-i nokautla) qazanıb, iki dəfə məğlub olub.