İtaliya A Seriyası: "İnter" təkbaşına liderliyi əldən verdi

İtaliya A Seriyasının 33-cü turunda "Bolonya" "İnter"i qəbul edib.

Oxu.Az xəbər verir ki, "Renato Dall'Ara" stadionundakı qarşılaşmada meydan sahibləri 1:0 hesabı ilə qalib gəliblər.

Yeganə qolu matçın 90+4-cü dəqiqəsində Rikkardo Orsolini vurub.

Bu nəticədən sonra A Seriyasında çempionluq uğrunda mübarizə aparan komandaların xalları bərabərləşib.

Hazırda "İnter" 71 xalla "Napoli" ilə birgə A Seriyasının lideridir. İnzaginin komandası yalnız top fərqinə görə ilk pillədə qərar tutub. "Bolonya" isə 60 xalla turnir cədvəlində 4-cüdür.