İtaliya A Seriyasının 18-ci turunda çempionluğa iddialı "Napoli" autsayderlər arasında yer alan "Venesiya"nı sınağa çəkib.
Oxu.Az xəbər verir ki, Neapoldakı Dieqo Armando Maradona stadionunda baş tutan qarşılaşma 1:0 hesabı ilə meydan sahiblərinin xeyrinə başa çatıb.
Matçın yeganə qolunu 79-cu dəqiqədə "Napoli"nin hücumçusu Cakomo Raspadori vurub.
Keçirdiyi 18 oyundan sonra "Napoli" 41 xalla A Seriyasının turnir cədvəlində ikinci yerdədir. "Venesiya" eyni sayda oyundan sonra 13 xal toplayaraq sondan əvvəlki - 19-cu pillədə qərarlaşıb. Növbəti turda "Napoli" "Fiorentina" ilə (4 yanvar), "Venesiya" isə "Empoli" ilə (4 yanvar) qarşılaşacaq.
