"Tottenhem"in keçmiş futbolçusu Ceymi O'Hara "Mançester Yunayted" futbol klubunun rəhbərliyi barədə açıqlamalar verib.
Oxu.Az xəbər verir ki, bu barədə "ManUtd.One" nəşri məlumat yayıb.
"Hesab edirəm ki, bu, əsl biabırçılıqdır. Onların Kerrikə qarşı etdikləri bağışlanmazdır. Onu dəvət etdilər, dəstəkləyəcəklərini bildirdilər və şans verdilər. Ötən mövsüm o, komandanı Çempionlar Liqasına qaytararaq fantastik işlər gördü, lakin bunun əvəzində ona cəmi iki futbolçu verdilər.
Yuri Tilemans normal futbolçudur, əla transferdir. Amma Andre Santos... Bilirsiniz, biz onun ümumiyyətlə əsas heyətə layiq oyunçu olub-olmadığına hələ də əmin deyilik. "Mançester Yunayted" bundan çox uzaqdır, lakin biz artıq onların Çempionlar Liqasında iştirakından danışırıq. Komanda, bəlkə də, üç-dörd il əvvəlki eyni müdafiə dördlüyü ilə çıxış edir.
Lyuk Şou müdafiənin sol cinahında daha bir mövsüm keçirəcək. Ədalət naminə onun haqqını vermək lazımdır. Müdafiənin mərkəzində isə Harri Maquayrdır. Bir az ciddi olaq. Axı biz "Mançester Yunayted"dən danışırıq. Onlar yenidən liderlər sırasına qayıtmağa çalışmalıdırlar", - deyə nəşr O'Haranın sözlərindən sitat gətirib.
