Kilian Mbappe İspaniya La Liqasında rekorda imza atdı

Kilian Mbappe adını "Real Madrid"in tarixinə yazdırıb.

Oxu.Az xəbər verir ki, fransalı forvard debüt mövsümündə La Liqada ən çox qol vuran ilk futbolçu olub.

"Mayorka" ilə görüşdə 28-ci dəfə fərqlənən Mbappe 1953/54 mövsümündə 27 qol vurmuş əfsanəvi Alfredo Di Stefanonu arxada qoyub. İvan Samarano 1992/93, Kriştianu Ronaldu isə 2009/10 mövsümlərində 26 dəfə fərqləniblər.

Qeyd edək ki, Kilian klub tarixində debüt ilində 40 qol vuran ilk oyunçu ünvanına da sahib çıxıb.