Kriştianu Ronaldu əlçatmaz zirvəyə yüksəlib

"Ən-Nəsr"in portuqaliyalı hücumçusu Kriştianu Ronaldu Səudiyyə Ərəbistanı çempionatının 6-cı turunun "Əl-Oruba" ilə oyununda növbəti qola imza atıb.

Oxu.Az xəbər verir ki,"Ən-Nəsr"in 3:0 hesabı ilə qalib gəldiyi görüşdə Ronaldu həm penaltini dəqiq yerinə yetirib, həm də assist edib.

Bununla da, Ronaldu yüksək səviyyədə keçirdiyi 600-cü oyununda qol vuraraq, bu həddə çatan ilk futbolçu olub.

Qeyd edək ki, portuqaliyalı ulduzun ən yaxın izləyicisi "İnter Mayami" klubunda çıxış edən və 556 oyunda qol vuran argentinalı Lionel Messidir.