“Gaming League Azerbaijan”ın keçirdiyi “League Of Legends” turniri başa çatıb.
Gənclər və İdman, eləcə də Nəqliyyat, Rabitə və Yüksək Texnologiyalar nazirliklərinin Azərbaycan Kiberidman Federasiyası tərəfindən ölkəmizdə kiberidmanın inkişafına dəstək olan “Gaming League Azerbaijan”ın (GLA) təşkilatçılığı ilə keçirilən yarışda səkkiz komanda iştirak edib.
Üçüncü yer uğrunda görüşdə “TFB Esport” “Aztelekom T1”ə 2-0 hesabı ilə qalib gəlib. Finalda
LGB və “Incredible Miracle” komandaları üz-üzə gəlib. Həlledici oyunda “Let’s Go Baron Tofiq” 2-1 hesabıyla qalib gələrək çempionluq sevincini yaşayıb.
“Instagram” ünvanı: Glahub
2019-cu ilə qədər olan statistikalara görə, 400 milyondan artıq insanın marağını qazanan kiber idman sahəsi bu gün də öz populyarlığını artırmağa davam edir. Kiberidman oyunları test oyun olaraq 2022-ci ildə baş tutacaq 19-cu Asiya Oyunlarına daxil edilib.
Azərbaycanda isə 2019-cu ildə yaranıb, kiberidman turnirləri həyata keçirən “Gaming League Azerbaijan” (GLA) bugünədək 10-dan çox (14) kiber idman çempionatı həyata keçirib. Kiber idman mədəniyyətini inkişaf etdirmək məqsədi ilə yaradılan bu şirkətin prioritet məqsədləri arasında Azərbaycanda beynəlxalq səviyyəyə qədər kiber idman üzrə oyunların inkişaf etdirilməsi və Azərbaycanda həm yerli, həm də beynəlxalq tədbirlərin keçirilməsi üçün bütün lazımi şəraitin yaradılması daxildir.
