İki çəki dərəcəsində keçmiş UFC çempionu Konor Makqreqor sosial şəbəkələrdə amerikalı Maykl Çandlerlə döyüşünü elan etdiyi yeni video yayımlayıb.
İrlandiyalının sözlərinə görə, onların döyüşü iyunun 29-da Las-Veqasda keçiriləcək UFC turnirində baş tutacaq.
Konor Makqreqor və Maykl Çandler arasında döyüşün 2023-cü ildə keçirilməsi planlaşdırılırdı. Lakin irlandiyalı döyüşçü məşqlərə vaxtında qayıtmadığına görə onların döyüşü elan olunmadı.
Xatırladaq ki, Konor qarışıq döyüş növləri üzrə 28 döyüşdə iştirak edib. Bu döyüşlərdə 22-də qələbə qazanıb və 6 məğlubiyyət alıb. İrlandiyalı 2021-ci ilin yayındakı məğlubiyyətindən sonra oktaqona girməyib. O, ABŞ təmsilçisi Dastin Puarye ilə görüşdə ayağı qırıldığı üçün sıradan çıxıb.
Mənbə: championat.com
Rəylər