Mamadu Kanedən vida mesajı: “Məni dünyaya məhz “Neftçi” tanıtdırdı” - FOTO

“Neftçi”də keçirdiyim bir neçə ildən sonra bu komanda ilə vidalaşmaq vaxtı çatdı”.

Bunu “Neftçi”dən ayrılan qvineyalı futbolçu Mamadu Kane özünün instaqram səhifəsində yazıb.

25 yaşlı yarımmüdafiəçi “ağ-qaralar”a təşəkkürünü bildirib: “Məni dünyaya məhz bu klub tanıtdırdı. "Neftçi"dəki hər kəslə, klub prezidenti, idman direktoru, məşqçilər, komanda yoldaşlarım və azarkeşlərlə əməkdaşlıq etmək fürsətim olduğu üçün çox şadam. Hamı bilir ki, buradan yaxşı hisslərlə ayrılır, sizinlə bölüşdüyüm bu peşəkar təcrübə ilə fəxr edirəm”.

O, duyğularını 3 qısa cümlə ilə ifadə edib: “Hamınızdan razı qaldım. İşimi sevdim və bu, məni son anadək motivasiya etdi. Mənə verdiklərinizə görə bir daha sizə təşəkkür edirəm”.

Qeyd edək ki, Mamadu Kane ötən yay “Olimpiakos”la 4 illik müqavilə imzalayıb. O, 2019-cu ilin yanvarından “Neftçi”də çıxış edirdi.

 

 

 

 

Посмотреть эту публикацию в Instagram

 

 

 

 

 

 

 

 

 

 

 

Публикация от Kané Mamadou (@kane_m36)