İngiltərənin "Mançester Yunayted" klubu 17 yaşlı futbolçu Əmir İbrahimovla müqavilə imzalayıb.
Oxu.Az xəbər verir ki, bu barədə klubun Mətbuat Xidməti məlumat yayıb.
Müqavilənin detalları açıqlanmır. Bildirilir ki, bu, Rusiyanın Dağıstan Respublikasında anadan olmuş yarımmüdafiəçinin ilk peşəkar müqaviləsidir.
Onun 11 yaşı olanda ailəsi Böyük Britaniyaya köçüb.
Qeyd edək ki, Ə.İbrahimov bu mövsüm U-18 çempionatında "Mançester Yunayted"in heyətində 16 oyuna çıxıb və 6 qol vurub.
