İngiltərə Premyer Liqasının səkkizinci turunda bir aydan çoxdur iştirak etdiyi bütün turnirlərdə qələbəyə həsrət qalan "Mançester Yunayted" "Brentford"u qəbul edib.
Oxu.Az xəbər verir ki, Old Trafforddakı matçda izləyicilər geridönüşün şahidi olublar.
Belə ki, hesabı ilk hissəyə əlavə olunmuş dəqiqələrdə qonaqlar açsalar da, "qırmızı şeytanlar" ikinci hissədə iki qolla nəticəni öz xeyirlərinə dəyişməyi bacarıblar - 2:1.
Bu qələbədən sonra Ten Haqın yetirmələri turnir cədvəlində 11 xalla 10-cu yeri tuturlar. "Brentford" isə 10 xalla 12-cidir.
Qeyd edək ki, "Mançester Yunayted" sonuncu dəfə sentyabrın 17-də qələbəyə sevinib. Klub Premyer Liqanın debütantı "Barnsli"ni darmadağın edib - 7:0.
Rəylər