UEFA Çempionlar Liqasının Liqa mərhələsinin IV turunun ilk oyun günündə doqquz qarşılaşma keçirilib.
Oxu.Az xəbər verir ki, turun diqqətçəkən oyunlarından biri "Mançester Yunayted" və "Roma" komandaları arasında baş tutub.
Gərgin mübarizə şəraitində keçən matç "qırmızı şeytanlar"ın əzmkar qələbəsi ilə başa çatıb - 3:2.
Matçın 11-ci dəqiqəsində Matias Soule qonaqları hesabda önə keçirib. Doniell Malen isə 18-ci dəqiqədə penaltini dəqiq yerinə yetirərək komandasının üstünlüyünü iki topa çatdırıb.
58-ci dəqiqədə Brunu Fernandeş penaltidən fərqlənərək "Mançester Yunayted"in hesab arasındakı fərqi azaltmasına nail olub. 83-cü dəqiqədə Mateus Kunya hesabı bərabərləşdirib, 86-cı dəqiqədə isə dubl edərək komandasını önə keçirib. Lakin futbolçu 90+1-ci dəqiqədə ikinci sarı vərəqəni alaraq meydandan qovulub.
Bu oyundan sonra "Mançester Yunayted" 6 xalla Çempionlar Liqasının ümumi mərhələsinin turnir cədvəlində 17-ci, "Roma" isə 4 xalla 19-cu pillədə qərarlaşıb.
Digər görüşlərdə aşağıdakı nəticələr qeydə alınıb:
"Şaxtyor Donetsk" - "Sportinq" - 0:1;
"Qalatasaray" - "Ştutqart" - 2:0;
"Atletiko Madrid" - "Bavariya" - 0:2;
"Barselona" - "Aston Villa" - 3:0;
"Feyenoord" - "İnter" - 0:3;
"Budyo Qlimt" - "Lill" - 0:0;
LASK - "Slovan Bratislava" - 4:0;
"Vilyarreal" - PSJ - 0:6.
