İspaniyanın "Barselona" klubunun qolkiperi Mark-Andre ter Ştegen "Qalatasaray"ın (Türkiyə) təklifini rədd edib.
Oxu.Az "SporX"ə istinadən xəbər verir ki, almaniyalı qapıçı Fernando Musleraya əvəzləyici axtaran İstanbul klubuna keçməkdən imtina edib.
"Barselona" bu yay Mark-Andre ter Ştegeni satmaq istəyir. Hazırkı ölkə çempionu bu mövqeyə "Espanyol"dan Xuan Qarsiyanı namizəd kimi görür. Onun "Barselona"nın əsas qapıçısı olacağı ehtimal edilir.
Qeyd edək ki, Mark-Andre ter Ştegen 2014-cü ildən "Barselona"nın formasını geyinir.
