Messi Azərbaycan səfərindən paylaşım edib

Dekabrın 11-də Azərbaycanda səfərdə olmuş argentinalı futbol ulduzu Lionel Messi bununla bağlı "Instagram" səhifəsində paylaşım edib.

Oxu.Az həmin görüntüləri təqdim edir:

View this post on Instagram

A post shared by Leo Messi (@leomessi)

Qeyd edək ki, dünya çempionu, 8-qat "Qızıl top" mükafatçısı Lionel Messi və onun ABŞ-nin "İnter Mayami" klubundan olan komanda yoldaşları Luis Suares, Serxio Buskets və Xordi Alba əvvəlcə Fəxri xiyabanda ulu öndər Heydər Əliyevin məzarını ziyarət ediblər. Daha sonra onlar Heydər Əliyev Mərkəzində olublar. Bakı səfərində Lionel Messi və dostlarını iş adamı Adnan Əhmədzadə müşayiət edib.

Futbol əfsanəsi Lionel Messi və komanda yoldaşları Bakı Kristal Zalında təşkil olunan tədbirdə pərəstişkarlarla görüşüblər.

Xatırladaq ki, minlərlə fanatın qatıldığı tədbirdə bilet satışından əldə olunan vəsait xeyriyyə məqsədinə yönəldiləcək.