Messi MLS-də mövsümün futbolçusu seçildi

"İnter Mayami"nin argentinalı hücumçusu Lionel Messi Amerikanın futbol liqası MLS-də 2024 mövsümünün ən yaxşı oyunçusu adına layiq görülüb.

Oxu.Az xəbər verir ki, bu barədə MLS məlumat yayıb.

Messi mövsüm ərzində 20 qol vurub və 16 məhsuldar ötürmə ilə yadda qalıb. Onun liderliyi altında "İnter Mayami" müntəzəm çempionatı birinci yerdə başa vurub. Lakin komanda pley-offun ilk mərhələsində "Atlanta"ya məğlub olaraq və mübarizəni dayandırıb.

Xatırladaq ki, 37 yaşlı Lionel Messi karyerası ərzində səkkiz dəfə dünyanın ən yaxşı futbolçusu kimi "Qızıl top" mükafatını qazanıb.