Millimiz İrana qalib gəldi

Bu gün Azərbaycanın U-17 millisi UEFA İnkişaf Kubokunda ikinci tur oyununa çıxıb.

Oxu.Az xəbər verir ki, yığmamız Belarusun paytaxtı Minskdə təşkil olunan turnirdə İranla qarşılaşıb. Oyun Azərbaycan millisinin 1:0 hesablı qələbəsi ilə yekunlaşıb.

Yeganə qolu 47-ci dəqiqədə Amin Rzayev vurub.

Xatırladaq ki, millimiz ilk matçında Rusiya ilə qarşılaşıb və böyük hesabla uduzub - 0:3.

Komandamız növbəti görüşünü Qazaxıstan millisinə qarşı keçirəcək. Matç fevralın 19-da oynanılacaq.