NBA-da yeni rekord qeydə alınıb

Milli Basketbol Assosiasiyasında (NBA) yeni rekord qeydə alınıb.

Oxu.Az xəbər verir ki, bu, "Nyu-York Niks" və "İndiana" komandaları arasında keçirilmiş yarımfinal mərhələsinin ilk oyununda baş verib.

"İndiana" görüşün bitməsinə 2 dəqiqə 50 saniyə qalmış 14 xal geridə olub və daha sonra rəqibini 138:135 hesabı ilə üstələməyi bacarıb.

Bu isə NBA tarixinin pley-off mərhələlərində yeni rekorddur. Pley-offlarda 14 və daha çox xalla irəlidə olan kollektivlər indiyədək 970 qarşılaşmanın hamısında qalib gəliblər.

"İndiana" belə çətin vəziyyətdə qələbəni təmin edən ilk komanda olub.